Mowi Norge bidreg til «Skiglede til låns» med 200 000 kroner!

Idrettslaget Ternen er svært takksame for den flotte støtta på heile 200 000 kroner frå Mowi Norge til prosjektet «Skiglede til låns» i Tveitedalen. No er utstyret endeleg kome på plass, og i går kunne me gjennomføre den aller fyrste treninga med splitter nytt utstyr!

Gjennom prosjektet ønskjer me å gjere skiglede og vinteraktivitet tilgjengeleg for fleire, uavhengig av økonomi og tilgang på eige utstyr. Målet er å senke terskelen for deltaking og leggje til rette for at både små og store kan oppleve meistring, aktivitet og fellesskap.

Det var difor ekstra kjekt å sjå at utstyret no er teke i bruk. Etter planlegging og innkjøp er me endeleg komne dit at prosjektet gir konkrete moglegheiter for aktivitet. Gleda over å kunne ta i bruk splitter nytt utstyr på trening viser nettopp kva dette prosjektet handlar om – å gi fleire høve til å delta, prøve seg og oppleve meistring saman med andre.

Støtta frå Mowi Norge har vore avgjerande for å realisere satsinga. For Idrettslaget Ternen betyr det mykje å ha med oss samfunnsaktørar som ser verdien av frivillig arbeid, inkludering og gode aktivitetstilbod i lokalsamfunnet.

«Skiglede til låns» handlar om meir enn berre utstyr. Det handlar om å skape moglegheiter, senke tersklar og sørgje for at økonomi ikkje skal vere avgjerande for om ein kan delta i fellesskapet.

Me er både stolte og takksame for tilliten Mowi Norge har vist oss. Det er gjennom slike bidrag me kan omsetje gode idear til konkrete tilbod som kjem born, unge og familiar til gode.

Ein stor takk til Mowi Norge for at de er med på å skape skiglede, meistring og fellesskap i Tveitedalen! ❤️

Saman skapar me aktivitet og gode opplevingar for alle!