Grasrotandel - www.il-ternen.no

Grasrotandelen- Ternen

Tenk deg at du kan spele favorittspela dine - Lotto, Tipping og Joker til dømes - og samtidig gje noko meir til det laget eller den foreninga du sjølv ynskjer å støtte. Dette er nå mogleg via Grasrotandelen.

Ved spel hos Norsk Tipping vil 5 % av innsatsen gå direkte til ditt lag eller forening (gjelder ikkje Extra og Flax).

Merk at Grasrotandelen ikkje går ut over innsatsen eller premien din - du vert ikkje belasta noko for å vere grasrotgjevar.

Du treng Norsk Tipping Spillerkort for å knytta deg til Grasrotandelen. Spelekort får du kjøpt hos kommisjonær, eller du kan tinga det på www.norsk-tipping.no.

Vi oppfordrar deg til å knytta deg til ordninga allereie i dag, og du gjere det på ein av følgande måtar:

Hos Kommisjonær: Ta med deg strekkoden og ditt spelarkort til ein av Norsk Tippings mange kommisjonærar.

SMS: GRASROTANDELEN

983759572 til 2020 (tenesten er gratis).

Internett: grasrotandelen.no eller norsk-tipping.no.

Norsk Tipping Mobilspill.

Meir informasjon finns på www.grasrotandelen.no. Her vil du og kunne følgje med på kor mykje Grasrotandelene genererar for dei enkelte Grasrotmottakarane.

Takk for at du støttar oss!

IL Ternen har fått ny leiar. På årsmøtet 15. april 2026 vart Julie Holmedal Askeland, einstemmig valt til å ta over leiarskapet i klubben. Ho vart først valt som møteleiar for årsmøtet, før ho seinare blei foreslått frå benken og deretter valt som ny leiar av klubben.Julie har i mange år vore ein sentral ressurs i Ternen, både i styrearbeid, organisering, prosjektutvikling og som pådrivar for inkluderande aktivitetar. Valet vart godt tatt imot av medlemmane, og årsmøtet uttrykte stor tillit til at ho vil vidareutvikle klubben i ei tid med både vekst og nye satsingar.

StyrevalÅrsmøtet gjorde fleire val og gjenval:
•Julie Holmedal Askeland – ny leiar
•Olav Sindre Holmedal – nytt styremedlem (2 år)
•Johannes Heien – gjenval (2 år)
•Magne Heien og Iver Blokkum– varamedlemmar
•Torgeir Rusten og Yngvar Skarveland går ut av styret.Me takkar for innsatsen og ynskjer nye styremedlemmer velkomen på laget.

Kort oppsummering av årsmøtet:

Økonomi og budsjettRekneskapen for 2025 blei godkjent, og budsjettet for 2026 vart godkjent etter ei lita redigering mtp. dreneringsarbeid i traseen. Det kom innspel om investeringar i breiare løypetrase på sørvestsida av vatnet, oppgradering av bruer og mogleg omlegging av traseen før Sveabakken, dette må sjåast på i eit lengre perspektiv, men styret tek innspelet med vidare.

Anlegg og løypearbeidÅrsmøtet vedtok å investere i:
•flislegging i siste del av løypetrase
•bruk av gravemaskin for å leggje nye røyr i samband med drenering
•ferdigstille arbeid med neveplast-prosjektet etter påfyll av flis.
•ferdigstille fellesarealet i tråd med planen på søkte midlar
•avvente sal av utstyr til ein har kartlagt behovet
•jobbe systematisk med kartlegging og utsjekk mtp. innkjøp av snøproduksjonsutstyr.

Aktivitet og rekruttering
•Gratis deltaking på barneskirenn/løp for barn opp til 12 år
•Forslag om å arrangere felles Ternen-buss til større skirenn som t.d. Birken, dette skal styret jobba vidare med.
•Iver lanserte idé om sosial løpetrening annakvar veke med oppstart til hausten.
•Johannes følgjer opp forslag om familieterrengløp i løypetraseen i Tveitedalen - november 2026.
•I tillegg melde Magne og Iver seg som trenarar for vaksen-skitrening parallelt med barneskitreninga.

Utstyr og satsing på barn og ungeÅrsmøtet vedtok å setje av 100 000 kroner til innkjøp av rulleskiutstyr for barn – eit viktig tiltak for å styrke rekruttering og aktivitet heile året.

Jubileumsfeiring - Ternen 50 år!Det vart drøfta fleire idear for markering av jubileet, mellom anna i samband med løp rundt Erslandsvatnet i september og mogleg kombinere eit nytt terrengløp i Tveitedalen med ein jubileumsfest på Utåker bygdahus i starten av november. Styret jobbar vidare med planlegging.

Ei framtidsretta retning for IL TernenMed ny leiar og eit engasjert styre ser IL Ternen fram mot eit aktivt år med fokus på utvikling, rekruttering, meistring og gode opplevingar for både barn, unge og vaksne i bygdene våre.